ماشي مع الأيام والحياه وخداني
تعدي بيا اللحظات والثواني
يمر عمري ويزيد نسياني
لكن عمري مانسيت روحي إللي ألماني ..
بدأت حياتي بنظرة عين .. فحبيت!!
إنكتبت كلمه جوه قلبين .. فاتمنيت!!
عرفت عنوان السعاده .. فاغنيت!!
إنطبعت ذكرياتي على كفوفي .. فابكيت!!
بكيت لما بقيت عاجز عن النسيان
بكيت لما لقيت قلبي مجروح بالأحزان
بكيت لما حبيت!!
بكيت لما أتمنيت ماكنش إنسان
كانت بتقول إني مستحيل أنساك!!
كانت بتقول أن الدنيا جنه وأنا معاك!!
كانت صادقه والوفاء في طبعها ..
لكن الحياه وظروفها خلتها تقول مش فكراك ...
وقفت الدنيا والحياه لما قالت مش فكراك.!!
قالت عيوني بدموعها يعني إيه .. مش فكراك!!!!!!
قالت إيديا برعشتها يعني إيه .. مش فكراك!!!!!!
قال كياني بأنهياره وإنكساره يعني هنــســــــاك........
الحب مابيتنسيش
الحبيب مابيتنسيش
ممكن يبقى ذكريات
لكن حتى الذكريات مابتتنسيش!!!!!!
قالت مش فكراك وسابتني !!
قالت أنا نسياك و دبحتني!!
قالت مش فكراك فبقيت لا قادر أنسى
ولا قادر أقول يارتني !!!!!
ليست هناك تعليقات:
إرسال تعليق