أنا المصري.. بغلبه.. بجبروته .. بطولة باله
يدعبس في الرزق عن ضحكة.. و يتمسح في قفا نكتة.. و يتمسخر على حاله
أزيح الهم باللقمة و أداري جروحي في الهدمة.. و أقول في العشق مواله
و فاكر في الضحي صلاة عصري.. أنا المصري أنا.. أنا المصري
.............................
أنا المصري بفنه و سره و سكوته
و أنا اللي إديت و إديت للحجر صوته
و جلدي بلون الأرض شرقان
و أموت م الجوع .. و عمري ما مت شبعان
أموت.. و لسة النفس فيا عشان صبري
أنا المصري .. أنا المصري
.............................
أنا المصري بشكلي بلوني و بهمي
أقول لده خالي و ده عمي
و أحبك, عشان شبه أمي
و أحكي ف حالي و أتكلم
و أقوم من النفضة و أتعلم
ولا تبصش على عيني
أنا قلبي دنيتي و قصري
أنا المصري .. أنا المصري
.............................
اللي خانوا العهد بينا .. و استباحوا كل حاجة
و استهانوا بالعروبة .. و استعانوا بالخواجة
مستحيل حيكونوا منا .. إحنا حاجة و هما حاجة
هما باعوا الجلابية .. و الوطن و البندقية
و ا حنا أصحاب القضية ..
.............................
يطلع الدجال بزيفو .. يملا وادي النيل ضباب
ينزل الجلاد بسيفو ... يزرع الموت و الخراب
يطول الليل زي كيفو .... الصباح له ألف باب
و احنا بوصلتنا بإيدينا .. ما تخافوش من الليل علينا
مهما غبتو عن عينينا ..
أنا المصري .. أنا المصري ..
.............................
( إقتباس )
ليست هناك تعليقات:
إرسال تعليق