ظلمت وكان للظالم حساب
جرحت وكان للجارح عقاب
قسيت وكانت قسوتي على أرق وأغلى الأحباب
حبيبتي!!...
إللي قلبي عاش بيها وليها حزن عمري غاب
بأيدي جرحت قلبها وقلبي
بأيدي فرقت بين حبها وحبي
بأيدي كسرت إحساسها
لما هانت عليا عيونها تبكي
ليه!!! نسيت ضحكتها إللي شالت عني همومي وأحزاني
ليه!!! قسيت علي قلبها إللي حبني ودواني
ليه!!! هجرت الأنسانه إللي ملكت قلبي وروحي ووجداني
ليه!!!!!!
للدرجه دي كنت قاسي!!!
للدرجه ديه كنت ناسي!!!
أني حبيت وإللي بيحب ما يكرهش
إني إتمنيت وإللي يتمنى مايصدمش
إني إنكويت وإللي إنكوي ما يجرحش
للدرجه دي كنت قاسي!!!
بدون سبب أنا قسيت
بدون سبب أنا نسيت
وبدون سبب وبكل سهوله أنا ضحيت
لكن بسبب أنا ندمت وهاعيش لأخر يوم في عمري
بعذاب كلمة ياريت ......
ليست هناك تعليقات:
إرسال تعليق